Wednesday, May 19, 2010

ولا تخيره

لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره
عجبي
!!
...
بس نظرا لأن الجبر ماهواش حل إنساني ,
فالاختيار كان الخيار الوحيد
ولحظة الاختيار تبدو كل الأشياء بلمعة تعمي العين تجعل حدقتها تضيق حتى لتكاد لا ترى الفروق بين الخيارات
لكن في كل الأحوال
عليك أن تختار
والأهمأن تتحمل نتائج اختياراتك
..
مافيش فيرجن سهل من الحياة
متأكدة من دا
ومادام
مجبورين نعيش الحياة
يبقى مجبورين نمر طول الوقت بتجربة الاختيار

.

والحمد لله على كل حال

7 comments:

Mona said...

الحمد لله :)

samy said...

دة حقيقى احنا بنعيش فى سعادة او حزن من اختيارنا

واحنا حقيقى مجبورين على الأختيار طول الوقت

بس فى الأخر

بنقول

الحمد للة

الحمد للة

شكرا

مصطفى عبدربــه said...

موضوع الجبر والاختيار ده الكلام فيه بقى بيعملي أزمة
يمكن عشان مفيش حد متكلمش فيه تقريبا
أو يمكن عشان خد مني وقت كتير جدا افكر فيه ووصلت لقناعات كويسة
أو يمكن عشان أي حاجة بتروح بيجي قصادها حاجة
أو يمكن عشان احنا مجيناش الدنيا مجبرين من أساسه

اللي انا مفتنع بيه تماما
ان الواحد يتحمل نتيجة اختياراته
بس الشيء الصعب جدا
ان كتر الاختيارات بيبقى أصعب من الجبر

تحياتي

موناليزا said...

من تجاربنا نتعلم ومن علمنا تكون متعة الحياة

Shrouk said...

أنا بقي لسه لغاية دلوقتي بهرب..كل ما اتحط فموقف لازم اختار فيه بختار الهروب لانه بيبان اسهل
بيان وكأنه ملوش عواقب وخيمة ولا اثار جانبية مرهقة
وغالبا بكون غلطانه
وغالبا بتكون عواقبه اشد من التقدم..ا

ا"اللي النهارده بيطلبه ويشتهيه
هو اللي بكره ح يشتهي يغيّره"ا
حقيقة الجملة دي لدرجة بترعبني...بخاف من كل اللي بحارب نفسي علشان اغيره فنفسي..بخاف لبكره "أشتهي "اغيره..ا

kamal said...

ياسمين
مساء الخير
مدونة جميلة عبقة ياياسمين
تمتلكين خيال واسع جدا،ماذا لو وظفتيه في كتابة بعض القصص؟
كتاباتك شاعرية تنم عن ذوق رفيع وجمالية كبيرة جدا.
لي الشرف ان اضمك لمونتي تربية بوان كوم على الرابط التالي
http://tarbiapointcom.blogspot.com/

قهوة بالفانيليا - شيماء علي said...

الاختيار
اصعب حاجة
بس دة قدر مانقدرش نتجنبه
لازم نفضل نختار
هي دي الحياة