Saturday, May 1, 2010

أول مايو

كل سنة والعاملين/ العمال / الإيد الشغالة طيبة
انهاردة حاسة بمفارقة عيد العمال
يمكن عشان احنا عايشين قوي سيناريو العمل والقوى العاملة ومكتب العمل والوزيرة وراس المال والحق اللي سكته بدأت تضبب
أو جايز بدأت تبان بس احنا اللي مش واخدين بالنا وبنحاول نغمي عنينا عشان ما يتسربش القلق لأرواحنا لما تعرف
لأن الخبرة بتقول ان المعرفة شنيور بيكسر في كل الأصنام المتكدسة جوانا بنحاول نلف حواليها نديها من طاقتنا جايز تدينا يوم بعض أمان
...
عايزة أقول اني متحمسة كتير لفكرة 30 يوم تدوين
واتمنى حماسي يغطي الشهر
يمكن لسببين
إني اكتشفت ان الدنيا حلوة لأن فيها ناس متحمسة
ولأني حابة أكتب كل يوم يمكن أنفض عن ايدي الكلس اللي بدأ ينشف من كتر قعدتها من غير شغل
...
نهاركم .....منور

7 comments:

Ahmed Adel El-Feky said...

جميل جميل جميل .. بالتوفيق إن شاء الله فى سباق الثلاثين يوم
:D

والحمد لله انك مقبله على الحياه كده أحنا هنشوف تدوينات لذيذه إن شاء الله
:D

إنـســـانـة said...

اسم المدونة جميل أوي

منتظرة الـ29 بوست اللي فاضلين بقى
:D

samy said...

اولا المدونة جميلة جدا

ثانيا الصدفة وحدها هى خلتنى اشوف المدونة

ملحوظة صدفة جميلة

ثالثا انا هتابع كل يوم المدونة وربنا يوفقك فى بوستات جميلة

شكرا جدا

آيــة said...

فرحانة بتلاتين يوم من القرب من الناس الحلوين

ربنا ينورلك دنينك و يشغل ايدك باللي تحبيه و يحبه
:))

alo2ah said...

:) سعيدة بمتابعة ما يكتب هنا ^^

reham said...

متحمسة جدا و مبسوطة و حاسة بالونس ... فكرة إننا هنبقى مع بعض كل يوم كدة مفرحاني جدا ...

متهيألي على آخر الشهر هنبقى عيلة صغنونة مليانة حواديت

نهارك ملون

خمسة فضفضة said...

متابعه معاكي ال 30 يوم ان شاء الله

ويارب انا كمان اقدر اكملهم 30 ونفسي مايتقطعش فالنص :))