Monday, September 15, 2008

بينج بونج

الحياة تلعب معانا بينج بونج
وهي المصنفة الأولى (غن كان هناك تصنيف دولي للعبة)
حيث تجد تلقي الكرة التي تقذف بها ولو عن غير عمد إليك مرة أخرى طبقا لقانون الفيزياء القائل بأن لكل فعل رد فعل مساو له في المقدار ومعاكس في الاتجاه
الجميل جدا في الأمر
أن اللعبة عادلة جدا
فالكرة التي تصيبك بتأثير شخص ما ستعود له لتصيبه
أو هكذا اعتقد
عدت مرة اخرى لاقتنع اننا طوال الوقت نقذف كرات بيضاء واخرى سوداء ...الأذكياء فقط هم من لديهم مخزون كاف من الكرات الرمادية
وكل ما على هذه الكرات هي العودة مرة أخرى بعد ان تصطدم بمضرب البينج بيونج الخاص بالحياة

Wednesday, September 10, 2008

رمضان كريم

كل سنة ورمضان كريم
لانه مادام كريما فسوف يأتي بكل ما فيه ..ويعم علينا بخيره
بس المهم اننا نكون احنا كمان كرماء وما نبخلش على نفسنا في رمضان
بما ان الشياطين مش موجودة فممكن نستغل الفرصة ونحسن اداءنا
بس المشكلة في الفكرة اللي بتقول ان رمضان اختبار حقيقي لطبيعة النفس
يعني الحلو بيبان والوحش بيبان
والسنة دي انا حاسة اني وحشة وبزيادة
مش عشان بس مقصرة في استغلال رمضان
بس كمان عشان حاساني مش طيبة كفاية
مش حلوة
مش زي ما المفروض اكون
جوايا حاجات كتير مش حلوة .. احيانا بسميها شر .. وكتير بفكر انها مجرد افكار سودا
لكن في النهاية
انا مش شبه اللي عايزه اكونها ..أو خليني اقول اللي كنتها
الطيبة ...قوي
عارفة اني كنت لما بحس اني طيبة زيادة
كنت بشتكي برضه
بس ع الاقل لما اشتكي من طيبتي هلاقي بسمه تقوللي اني من الفائزين في نهاية القصة
لان العقبى للطيبين
بس لما اقول اني شريرة
........
غريبة الدنيا قوي
او هي غريبة معايا انا
مستغرباها ومستغربة نفسي
.....
بس