Tuesday, August 28, 2007

مقاومة



ليس رغبة في الكتابة


بقدر ماهي رغبة في كسر حالة الصمت


تلك التي تعلقت في رقبتي مجبرة اياي على ارتدائها


.....


.....

كل ماهو بين بين


كل ماهو رمادي


كل ماهو في المنتصف


على الحد


.

.

.

مزعج





Wednesday, August 22, 2007

يا واعظ..يابلاش

ساءني جدا..اعلانات ساقية عبد المنعم الصاوي التي انتشرت في الشوارع حول التحرش الجنسي متصدرها كلمة "أمك" أو "أختك" والتي جاءت برد فعل عكسي ..فبعد صدمتي بكلمة امك باللون الاحمر ..حاولت ان افهم "مالها"..اكتشف انه مجرد اعلان ساذج عن التحرش الجنسي ..
ما ساءني ليس طريقة الاعلان رغم عدم جدواها وعدم مراعاتها لابسط قواعد اعلان التوعية السلوكية الاجتماعية ..ولكن محاولة الجميع هنا في مصر اللعب في مناطق ليس له فيها ..اقدر دور الساقية الذي تقوم به كأول مركز ثقافي بديل ..وهو الدور غير البسيط ..دور اساسي ..وكبير ..وله تأثيراته واسعة المدى ولكن لدى الجميع الرغبة في القيام بدور الواعظ..
كانت استفزتني صابرين في اول ظهور لها بعد ارتداءها الحجاب عندما قالت انها عائدة لتمارس دورا مثل الذي يقوم به محمود سعد ..هي غير مقتنعة بجدوى الفن الذي تقدمه ..تريد ان تقدم برنامجا تجلس لتعظ من خلاله الناس ..بقناعة تامة ان هذا هو الطريق الوحيد لاصلاح المجتمع
اذا كان اصحاب الفنون ..او القائمين عليها غير مقتنعين بجدواها ..كيف يمكن للمتلقي الاقتناع بذلك ؟.

Saturday, August 18, 2007

ريشة ف هوا



اكره ذلك السؤال أيا كان الذي يعترض طريقي


اتسمر أمامه ..أحاول أن أجد إجابة

رغم اقتناعي أنه ليس بهذه السذاجة حتى يمنحني سره لمجرد وقوفي الابله في مواجهته


ومع هذا استمر

.

.

.

يغالبني الشعور بالضعف


وانا اكره الضعف


تعلمت كيف ارسم ملامح القوة في تفاصيل حياتي


وادمنت صورتي القوية


رغم تكرار عمليات المعالجة لتلك الصورة


التي اراها اليوم بالابيض والاسود


.

.

.

افكر في طريقتي


كالعادة


تبرق فكرة هل هذه هي الحياة التي اعيشها ؟


أم انه (مضحوك عليا؟؟)


لست في انتظار اجابة


قربانا للحصول عليها


.

.

.


Monday, August 6, 2007

اتكلموا


هو يمكن عشان انا بطبيعتي رغاية فمش حاسة بصعوبة اللي انا بعمله

صعوبة انك تفتح بقك وتبدأ في الرغي عن كل شيء

الاحداث

الاحساس

ردود الفعل

رؤيتك

نظرياتك

تخيلاتك

حتى احقادك

وقت الالم

تلاقي لسانك كانه شلال واكسر كل الصخور قدامه

وقع من فوق بكل عزمه

وزاح عن قلبك ثقل وطاته

دا بالنسبالي سهل

ممكن يكون صعب عند الناس اللي بتسمعني طول الوقت

بس بالنسبالي

السكوت هو الزنزانه اللي بيتسجن فيها احساسي

السور العالي اللي بيحاوط روحي

وبيخنقني


...

عشان كدا ببقى حابة احس كل الي حواليا انهار بتجري

وبحس بالعجز


وانا شايفة سدود بتتبني بين وبين اقرب الناس ليا

مانعة الكلام

من انه يوصلي


بقف زي تلميذ خيبان

في امتحان شفوي

بيحاول يفتكر اسم المادة حتى ومش قادر


..

اتكلمــــــــــــــــــــــوا

اتكلموا .. اتكلموا .. اتكلموا ...

محلا الكلام ، ما ألزمه و ما أًعظمه ...

فى البدء كانت كلمة الرب الاله ، خلقت حياه ، و الخلق منها اتعلموا ..

.فاتكلموا

فى البدء كانت كلمة الرب الاله روح بجناحين شطار ،

و صار للكون مداه .

آخر مطافها ،

جت و حطت ع الشفاه ،

لما البشر ملكوا الوجود ،

و استحكموا ...

فاتكلموا

الكلمة ايد ،

الكلمة رجل ،

الكلمة بــاب ،

الكلمة نجمه كهربيه فى الضباب

الكلمة كوبرى صلب فوق بحر العباب ،

الجن يا أًحباب من ما يقدر يهدمه ...

فاتكلموا

الرمل مرمى تحت قبة السما ،

مشتاق لقطره من المطر فيها النما ،

ملايين سنين عمره ما داقها ،

انما فيه كلمة تقدر فى المراوى تِعَوَّمه ..فاتكلموا

فيه كلمة تقدر تزرع البور حور ضليل ،

و كلمة تقدر تجعل الكوخ بيت جميل ،

و ابو العيال و الجلابية الهلاهيل ،

فيه كلمه تعطيه مال ،

و كلمة تِهندمه ..فاتكلموا

لكم السلام ، يا ملفوفين حول اللهب ،

يا غواصين فى القلب ع الكلنه العجب ،

فى البدء كانت كلمة الرحمن سبب

و ما عادش غير الحق كلمة تِتَمَّه

فاتكلموا


صلاح جاهين

Saturday, August 4, 2007

البحر جه

اه
لما كان النيل ما لوش حواجز كان البحر بيجي للناس لحد بيوتهم
ماكنوش بيحتاجو انهم يسافروا
هو اكيد وعلى حسب روايات امي ان دا كان بيبقى كارثة

بس على الاقل كان بيجي


دلوقتي


النيل بيعافر عشان يقول انه لسه بيفيض ..بعد ما قلنا هنبني وادينا بنينا السد العالي


بتلاقيه بيحاول يمد دماغه عشان يطاول الصخور المبنية على الجنبين


بيتحرك بقوة واصرار


ويمكن فرحة طفل بانه بقى كبير وعالي


..




ومش عارفة اروحله


والنهاردة بالصدفة اكتشفت انه جه


شكرا يابحر النيل