Wednesday, August 22, 2007

يا واعظ..يابلاش

ساءني جدا..اعلانات ساقية عبد المنعم الصاوي التي انتشرت في الشوارع حول التحرش الجنسي متصدرها كلمة "أمك" أو "أختك" والتي جاءت برد فعل عكسي ..فبعد صدمتي بكلمة امك باللون الاحمر ..حاولت ان افهم "مالها"..اكتشف انه مجرد اعلان ساذج عن التحرش الجنسي ..
ما ساءني ليس طريقة الاعلان رغم عدم جدواها وعدم مراعاتها لابسط قواعد اعلان التوعية السلوكية الاجتماعية ..ولكن محاولة الجميع هنا في مصر اللعب في مناطق ليس له فيها ..اقدر دور الساقية الذي تقوم به كأول مركز ثقافي بديل ..وهو الدور غير البسيط ..دور اساسي ..وكبير ..وله تأثيراته واسعة المدى ولكن لدى الجميع الرغبة في القيام بدور الواعظ..
كانت استفزتني صابرين في اول ظهور لها بعد ارتداءها الحجاب عندما قالت انها عائدة لتمارس دورا مثل الذي يقوم به محمود سعد ..هي غير مقتنعة بجدوى الفن الذي تقدمه ..تريد ان تقدم برنامجا تجلس لتعظ من خلاله الناس ..بقناعة تامة ان هذا هو الطريق الوحيد لاصلاح المجتمع
اذا كان اصحاب الفنون ..او القائمين عليها غير مقتنعين بجدواها ..كيف يمكن للمتلقي الاقتناع بذلك ؟.

4 comments:

مادو said...

ههههههههههههههههه
انتي كمان
أنا أول ما شوفت الإعلان ده مت من الضحك
تخيلي حد داخل على الصاوي و بيقوله بمنتهى الأدب يا فندم أنا جاي أقابلك عشان حملة أمك بالتأكيد الصاوي هينسى أصول الإتيكيت كتير
شعار مستفز
تقدري تقولي إضافة لأن الكل عايز ياخد دور الواعظ إن الكل بقى بيدور على الشعارات و الإنفاردات أول من عمل المنطقة البيضاء و أول من عمل مشروع لإسكان محدودي الدخل - اللي مرتبهم أقل من 2000 جنيه -و أول من ركب زمبلك للبلدوزر
ولا عزاء لضعاف المناعة

اميرة said...

فعلا يا هدى

انا برضه قعدت شوية كتير لحد ما استوعبت هو ايه ده

الغريب ان الاعلان ده بقاله فترة و بشوفه في طريقي كل يوم

كل لما اخد بالي اقعد اركز هو الاعلان عايز يقول ايه

و السبب في ده بالنسبالي ان مش هو ده دور الساقيه او لو ده دورها فا مش بالطريقه دي

فكرة الوعظ بقت منفرة جدا بالنسبالي

هدى said...

مادو

المشكلة في ان العزاء بيكون لاقوياء المناعة ..هما بس المدركين للموقف ..وشايفين الموت بيقرب

محصورين جوا سجن السؤال ""هنعمل ايه""

تحياتي

هدى said...

أميرة

الوعظ ف حد ذاته مش منفر

بس المهم مين اللي بيعمل دا

مش منطقي ان كل الناس تعمل دا خاصة انها عملية بتعتمد في جزء كبير منها على الصورة الذهنية عن الشخص اللي بيقوم بدا

يمكن عشان كدا استفزني منطق الفنانات المحجبات

اللي بيحاولوا يقلبوا الصورة الذهنية اللي عندنا عنهم بطريقة فجة

ودي المصيبة