أنا النهاردة كبرت ..
كبرت تاني
كبرت قوي
أصلي بقالي مدة بفكر في أني مش عايزة ابقى كبيرة ..كنت بفكر اني عايزة ارجع بنت صغيرة بلا مسئوليات حقيقية
واكثر من هذا ان يوكل امري كله لشخص يعتني باصغر شيء
يعني مثلا يصحني من النوم ..ويركبني المواصلات ويجيبلي اكل وياكل معايا وطبعا يوصلني بالليل وانا راجعة من الشغل
وطبعا يكون مهتم بتفاصيل الشغل والقرارات اللي طول القت باخدها غلط
يشيل عني الحياة شوية
بس النهاردة اكتشفت ان القرار دا خلاص فات وقته
لاني وانا صغيرة فعلا قررت اني اكون كبيرة
مش هينفع اغير قرار خدته ..لازم اتحمل تبعاته كلها
يعني اخترت اني افضل كبيرة افضل كبيرة زي ما انا
عشان في سبب تاني اهم ما خدتش بالي منه
اني هفضل في عيون الناس كبيرة واي افعال ستصدر مني سيعاقب عليها القانون
ومش هيغفرلي حد بقوله "عيلة وغلطت "
سيقولون فقط "كبيرة وبتستعيل "
يعني لا اكون فضلت كبيرة باحترامي ولا صغيرة ببراءتي ..اكون زي الغراب اللي بيحجل
لكل الاسباب دي ..عدلت عن قراري الثاني واستقريت على القرار الاولاني
انا كبيرة
انا كبيرة
وبطلت اتمنى ارجع بنت صغيرة تاني
6 comments:
كويس العدول .. مع أن البيت يقول :
اه يا من ياخذ عمرى كله ويعيد الطفل والجهل القديما
يمكن لأن شاف الجهل القديم ممتع كما الطفولة . لكنه جهل ممتع في زمنه ..
وكل يوم وأنت كبيرة .
وأنا كماااان شااايفـك كبيييرة
كل شوية تكبري
تكبري ...
.
.
.
تكبري ...
طب وبعدين
عارفة أجمل حاجة ف الدنيـا إيه
إنتي ............
زي ما انتي كـــده بالظبط
تحياتي
وما تنسيش تعدي علينا
وانت كبير ياصديقي
أنا ماكنتش عايزة أرجع صغيرة عشان حنين للطفولة بقدر ماهو رغبة في التخلص من كل المسئوليات ..زي ما تقول كدا نوع من الهروب الوقتي
أو زي الافلام الاجنبية السفر عبر الزمن كنوع من التغيير .
بس بعد ما التجربة اثبتت فشلها وحطتني في موقف لا أحسد عليه
تراجعت مقرة بذنبي
ونورت
اللي هو يابراهيم بتحاول تقنعني بطريقة تثبيتية بحته
ماشي ياسيدي
الف شكر عالكلام الحلو
وعلى النور اللي مالي المدونة بزيارتك
واديني اهو
كبيرة
أقولك إيه يا ستي
يمكن إنت فعلا أخدت القرار و انت صغيرة إنك تكوني كبيرة
لأنك كان بإمكانك تفضلي صغيرة .. كان عندك اختيار
لكن النهاردة و انت
((((( مضطرة )))))
تكوني كبيرة .. و نفسك ترجعي صغيرة
ما ينفعش تقولي
أنا قررت إني أفضل كبيرة
طبعا مش هقولك سيبي مسؤولياتك .. وارجعي صغيرة
لكن لا تديري ظهرك لحقك في حقك في الطفولة على كل مستوى ..
ولو من وقت للتاني
و قوليلي ساعتها عشان أهنيكي على
((( قرارك )))
تحياتي المحبة
دينا
صديقتي الجميلة دينا
سعيدة بوجودك هنا
وسعيدة برأيك طبعا
بس استني عليا شوية
وهتلاقيني عيلت من غير قرارات ولا حاجة
تحياتي
Post a Comment