Saturday, March 31, 2007

كلام خشن

ليس لأني لا أجيد سوى الكتابة
ولكن كنوع من الهروب من الالتزام باراء الغير التي تضيء امامي مثل لوحة الاعلانات النيون بمجرد ان تخرج من افواه اصحابها
لا أفكر كثيرا في مغزى ما قيل ..بقدر ما أفكر
في لماذا قيل
واخرج في الغالب بنتيجة مفادها اني استحق ذلك الرأي السيء بالطبع والا لما علق في ذهني
لادور في دوامة من الاكتئاب
ومن بين ما قيل
"فكك بقى من اللي باع ..اللي ينساك انساه"
وكاني بكتب على جدران قلبوهم فاثقلها الهم
كدت اتوقف عن الكتابة
لكني عاودت التفكير وللمرة الاولى بطريقة ايجابية
من يشعر بثقل كتابتي على قلبه
فلا يضغط كليك على اسم مدونتي
ابدو قاسية وسيئة ..اليس كذلك
ولكن هذا ما لدي
فلن احتمل كلمات اخرى من نوع
الازال في القلب بقية اشواق
او
يعني هو انت لسه بتفكري فيه
اعتذر الى من لا تخصه هذ التدوينة في شيء
كانت كلمات في قلبي اردت ان اخرجها
فانا اكتب هنا كل ليلة
لامارس انسانيتي
وليس لاكبت حريتي ..او امارس ضغطا نفسيا على الاخرين
ودمتم

8 comments:

ert3ashat said...

يا بنتي مش لازم الي هيقول كده يكون الكلام تقيل على قلبه....يمكن يكونوا بيسعدوكي....بيشجعوكي تنسي...بس مش ده الاسلوب اللي انتي عايزاه...
واكتبي يا هدى...اكتب و فضفضي....و اكيد في ناس انتي مش عارفاهم ولا هم عارفينك الا منخلال المدونه و مضايقينلك عشان حاسين انك زعلانه

Muhammad EL-Ashry said...

..
كتابة جميلة وصادقة
مهم جداً أن نمارس حريتنا بالكتابة
هذا أقل ما يمكن أن نحصل عليه
لنري أنفسنا دون رتوش وأقنعة
..
أحييك

إبـراهيم ... معـايــا said...

أهو العشري وصـل ، يا صباح الفل

كلام جمـيـل ، ومش خشـن أبدًا ، ده حقــك الطبيعي ، بل حقنـا جميعًا


الكتـابة حريـة


وإنتي عندك أحلى وأرق حريـة يا هدى


سامحي تأخري :)


ألقاكِ في ســلام

film69 said...

هدى
أكتبي .. عبري
ولا تلفتين خلفك

arb3bosat said...

عبرى عن نفسك عبرى..التعابير حلوه
انا عارف مشكلتك بالظبط
هاجيبهولك لحد عنى واخليه يقولك حقى برقبتى
هو اللى مش واخد باله
اعمى
بس انا خدت بالى
وفتحت


ايه رأيك؟

محمد العدوي said...

أنا بقى مش هطبل معاهم وأقولك حقك .. علشان حاجات كتير مش منها اني مش عاوز اقرا لأن دي أسهل حاجة ..


صباحك ورد ..

شريف said...
This comment has been removed by the author.
شريف said...

بصى هدى دة حرية وتعبير عن النفس دة شئ عادى و انتى لازم تعبرى عن اى شئ بداخلك بكامل الحرية بس للاسف فى بلادنا دى مينفعش وانتى اكيد عرفة لية

اخوكى شريف والحب
واكون ممنونا جدا لو تكرمتى على بزيارت مدونتى

ودة عنوان مدونتى

http://www.sheref-love.blogspot.com/