Thursday, October 29, 2009

عيد ميلادي

بعد أن قررت أن احتفل بعيد ميلادي في حفلة كما لم أفعل منذ زمن,, تراجعت لوهلة,, فكرت أن الأمر لا يستحق كل هذه الضجة وخشيت ألا اجد حماسا كافيا ممن حولي,,

لكن الأقدار جاءت على عكس كل مخاوفي

احتفلت بعيد ميلادي مرتين ,, في حفلين ,, اطفات الشمع مرتين,, واكلت التورتة,, وكان حولي كل من أحبهم وشعرت برضا عن نفسي ,, وتمنيت أن أحظى بمثل هذه الرفقة على طول العمر

..

هذا العام مر بخطوات وئيدة,, شعرت بخطوته تترك آثارا على شخصيتي وحياتي ,, وتعلمت كيف أعيد صياغة أفكاري بما يتناسب مع الاعيب الحياة التي تفعل كما وصفتها سعاد حسني في فيلم "خلي بالك من زوزو" (مرة تاخدك لفوق وتقولك انت هنا وترجع تنزلك لسابع ارض وتقول مكانك هنا)...

بقيت حاسة اني زي البحر الساكن اللي بيلاعب موجه الرملة بهدوء اللي بيخده,, بيهضمه جواه وبيرجعه براحته, من غير دوامات ولا نوات ولا صخور يلاطم فيها وتكسر موجه العالي,, بقيت حاسة إني هادية وقادرة على اني اعالج كل اللي بستقبله ,, واوزنه قبل ما ارد اخد رد فعل ,, مش هقول ان دا حاصل مية المية بس ع الاقل بطريقة مرضية

..

حاسة اني واخدة نفس عميق وبخرجه بالراحة

ومتفائلة جدا بالسنة الجديدة

..

7 comments:

reham said...

كل سنة و انتى بكل هنا و سعادة ..
و يارب دايما تآنسك الراحة و الألفة دى
..
و على فكرة تقريبا البوست نزل مرتين

كل حاجة في العيد ميلاد دة بتتعمل مرتين من لوحدها مش ملاحظة الموضوع دة ؟ :))

إيناس حليم said...

:) كل سنة وانتي طيبة يا جميلة وبصحة وسعادة يارب

إيناس حليم said...

:) كل سنة وانتي طيبة يا جميلة وبصحة وسعادة يارب

إيناس حليم said...

ايه ده!!
حتى تعليقي اتنشر مرتين لوحدو والله :))
ايه الحكاية !!!!!!

نهر الحب said...

كل سنة وانتي جميلة يا هدي وبخير وف سعادة ديما يا رب

مروة said...

كل سنة وأنت جميلة ورقيقة، ويارب حياتك كلها تبقى مليانة ياسمين. دمتى بكل خير

إبـراهيم ... معـايــا said...

كل سنة وإنتي أجمل

ونحن حولك ...


حتى نستطيع أن نصنع تلك البهجة الموازية لحضورك داااائمًا

كل عام ونحن معًا ... أفضـــل :)