Saturday, March 15, 2008

صيفي




كداب اللي بيقول انه مش بيحب الصيف


أنا بحب الشتا يمكن عشان المطر ويمكن عشان الأغاني اللي بتحلي طعمه وتدفي لياليه

و إليسا السنادي خلت الكل يبحب الشتا

بس أنا كمان لما يهل الصيف ..بقول الله أنا بحب الصيف

بحس الدنيا شكل تاني


ماحدش يفكر في ضهر شهر سبعة لما نبقى ماشيين في الشارع والدنيا جهنم ومش لاقيين مواصلات

لا فكروا


في الصباح الصيفي على بحر اسكندرية تحديدا
أو في ليل القاهرة ..على بحر النيل
اللحظات دي بتخليك تقرر من جديد أنك تحب الصيف ..وتمتنله

خاصة بالنسبة للبنات




مش عشان فساتين الصيف المبهجة (أنا محجبة) ..بس عشان التوقيت الصيفي اللي بيخليني اروح متأخر بعد ما اكون اتمشيت على كوبري قصر النيل


اممم

كنت عايزة أقول ايه كمان

19 comments:

Anonymous said...

طب لية متفكريش في الشتا في قعدة جميلة في البيت مع ناس بتحبيهم

والدفا اللي طالع من ضحككم وقهوتكم ورغيكم أكتر من الدفا اللي جاي من الشمس اللي في الشباك

faisal said...

أمممممم
لأ..
برضه بحب الشتا أكثر
أما اسكندرية فأنا بحبها في كل وقت..
:)

وليد خطاب said...

حلو الرجوع
صباحك مشرق بنور منزوع الحرارة
:(

رضوى داود said...

ايه الجمال ده عالصبح
يا ريتني كنت فتحت الجهاز من بدري
بس عاجبني قوى تعليقه


المهم
بحب ليل الصيف
.....و فجره
.....و ضحاه
.....و ظهره
.....و عصره
و تقريبا المغرب
يعني نقدري نقول مع كتير من التبسيط اني بحبه كله

سيظل للشتاء رونقه و دفئه
و للصيف ذكرياته

إبـراهيم ... said...

هههههه ، (تعليقه ..رحمه الله )..ما علينا
ممممممممممم ، بصراحة بعد ... يالذيذ يا رااايق ، أجد نفسي مختلفًا معكِ ... فبعيدًا عن ملابس البنات (ودي حاجة إنتي عارفة قد إيه مهمة ف الصيف)، فأنا لا أكره في فصول السنة أكثر من الصيف، حتى ف إسكندرية بيبقى خنيييق قووووي ، نفسي أروح أصيف بعييييد ، ف القمر مثلاً
.
.
خليتينا نفتكر الصيف بدري كده ليه بس

.........
على كل حـال :
صباحك مشرق بنور اللبنانية

إنسان || Human said...

هدى
أنا بالنسبالي بكره الصيف بتاع الضهر الأحمر
وبعدين الصيف مش محتاج سبعه عشان يجي
لاء ده شوفي عامل إزاي في مارس
...
فين الشتا
والله ولاده كويس ولاده كويس
احلى حاجه الإعتدال

مُزمُز said...

مستحيييييييل

الصيف يع

أنا بكره الصيف

مش بس عشان الحر

عشانه كله على بعضه

بكره الصيف جدا لدرجة إني بمجرد دخول الأيام أعيش حالة اكتئاب واختناق وجودي زي اليومين دول كده

الشتا

الشتا ده بره المنافسة

الشتا ده هو الحياة الحقيقية

هدى said...

مصطفى

ما قلتش اني بكره الشتا

بالعكس بحب قوي الشتا بتفاصيله اللي بتحكي عنها ..بس للصيف طله ..تاخد العقل

هدى said...

احمد فيصل

نورت ..اخيرا ظهرت في اجواء مدونتي

عشان خاطر اول مرة

مش هزعلك

وانا كمان بحب الشتا


واسكندرية كمان وكمان

هدى said...

وليد

.
.
.

صباحك .... حاجة حلوة اكيد

هدى said...

رضوى

أي خدمة

تعالي كل يوم

صيف او شتى

او حتى خريف


...

منورة

هدى said...

ابراهيم

انت داخل تعلق على تعليقات الناس ولا ع البوست بتاعي

..

ما علينا برضه

وبعد الخفة والروسنة بتاعتك

انا حرة اجيب الصيف وقت ما احب

وبحب الصيف ومالكش فيه

صباحك

رولا سعد...لبنانية برضه

هدى said...

ابراهيم

انت داخل تعلق على تعليقات الناس ولا ع البوست بتاعي

..

ما علينا برضه

وبعد الخفة والروسنة بتاعتك

انا حرة اجيب الصيف وقت ما احب

وبحب الصيف ومالكش فيه

صباحك

رولا سعد...لبنانية برضه

هدى said...

هيومان

انا برضه بقول الربيع حلو

بس دليني عليه

وانا احبه علطول

منور

هدى said...

مزمز

ولا تزعلي نفسك

انا بكره هقولهم يشيلوا الصيف خالص من السنة

ويخلوا اتنين شتا عشان خاطرك وصلحه

أي خدمة

محمد العدوي said...

خصوصا في ليالي الصيف المقمرة .. في الصحراء ..

انا قلت للعيال كدة والله لما روحنا المعسكر اللي احنا فيه .

دا حتى الصحرا في الصيف اجمل .. بالليل . بس المهم أن الليل يأتي .


ودا ما أشك فيه

وعموما هو للأمانة وحشني .. زي ما الدنيا كلها وحشتني .


كل الود

قلب ينبض لله said...

لا بجد بلوجك جميل
والبوست دا كمان جميل
انا بحب الصيف اكتر من الشتا
وبحب الشتا اكتر من الصيف
انا عندي فصول السنه صيف وشتا بس
انما الخريف والربيع مابلحئش احس بيهم

انا ها ازورك تاني وتالت ورابع
علشان اقرا بائي البوستات

سلام

هدى said...

الليل والصحرا والقمر

ما كل هذه الشاعرية يا دكتور

لو اعرف ان الجيش بيعمل كدا كنت بعت كل اللي اعرفهم

وانت كمان واحش الدنيا

...

كل الود

هدى said...

قلب

متشكرة جدا على زيارتك

وياريت فعلا ما نتقطعش

..
تحياتي