Wednesday, March 26, 2008

عشوائي



واحدة صاحبتي كانت بتحب تلم ورق الشجر من الأرض

كانت بتقول انها شبه ورقة الشجر

لدرجة انها كتبت مقال بتقول فيه أنا ورقة شجر

غالبا مدونتها اللي مش عارفة اللينك بتاعها اسمها برضه ورقة شجر


*****

واحدة تانية كانت نفسها تفتكر اسم نوع ألوان عشان عايزة ترسم
بتحب تشتري أدوات مكتبية
من محل كبير ومشهور مش هقول اسمه عشان ما يبقاش اعلان
تقريبا لسه ما علمتش دا

*******

جبت له ورد مزروع في قصرية من شهرين تقريبا


مرة قاللي انه بدأ يدبل


خايفة اسأله من ساعتها ليقوللي انه مات


بخاف أعرف


هو قاللي كدا مرة


*****


واحد- أكيد غير اللي فوق -

علمني اشرب قهوة

و .....بس

*دي صور طلعت من بحث عشوائي



7 comments:

Amyra said...

غالبا ...أنا كمان أخاف أعرف

شوووووووووت

إبـراهيم ... معـايــا said...

بحث عشوائي ؟؟؟ فعلاً ؟؟؟


,,,,, وفين على جوجل ،،، ؟؟؟ ولا جوه ؟؟
.............
طيب، نرغي بقى :
إحساسي ببحث عشوائي عن"إنسان"،ماشي، الأول، بندور حوالينا ، لأ قصدي الأول بندور ع الغايبين، اللي كانوا ، اللي حاجات بسيييطة قوي ممكن تفكرنا بيهم جدًا، ونكتشف فجأة إننا بقينا بعاد، لما نفتكر البعيدين، تلقائيًا دماغنا بتقول هوووب، ده فيه قريبين، طب بنتصرف معاهم إزاي، ده احنا ...خايفين !! في عز فرحتنا دايمًا نلاقي الخـوف ....
*********
حلوة العشوائية، دي اللي بيقولوا عليها فوضى خلاقة

قلب ينبض لله said...

بصراحة الصور الكواليتي بتاعتها عاليه جدا

صور جميله وتعليق اجمل

تقبلي مني وافر التقدير والاحترام

وينكى said...

كل سنه وانتى طيبه يا بنوته
حلوه قوى الصور دى
وتعليقاتك عليها اجمل
أو الصور هى اللى مناسبه لجو الكلام
ايهما اقرب

وليد خطاب said...

رجعت تاني أحلى م الأول وكل الورد اللي فيها فتح

حمامة said...

وانا كمان بخاف اعرف
حتى لما بكون طالبة من حد طلب
او عايزاه يجي معايا ف مكان
بستناه يقولى هو ولو مقالش مبسألش
لأنى بخاف يقول لأ

جميل :)

نور said...

الله
خوفنا نعرف بيحوشنا ساعات عن الفرحة اللي ممكن نحسها لما نعرف
احلى مفجأة انك لما تخاف تعرف وتتخيل السيء تتفاجيء انه ما حصلش وان الموت اللي اتخيلته اتحول لحياة
الله تاني
فرحتوني
ربنا يهنيكم ويكتبلكم الخير