Monday, June 25, 2007

حلم ليلة صيف



بين جملة اخرى تشتعل داخلها نفس الرغبة في تمزيق الورق السوليفان الذي يحيط حركاتها منذ الصباح


ان تستل اظافرها تخربش نعومته الشفافة


وتمنح الريح الحق في ان تداعب تنورتها المسدله بصمت حول جسدها


تفكر في العصافير التي تطوف حول البرج العالي هناك


وفي وريقات الشجر التي تمارس حريتها في السقوط


بلا خوف من التدنس


تعطي ظهرها لجمل تترامى من حولها


وتخطو خطوات واسعة نحو القمر


تداعب السحابات التي تنظر اليها في دهشة طفوليه


تتقافز من فوقه وتشير الى المذهولين الارضيين


تحمل بين كفيها قلبها


وتشارك المطر هطوله


هنا فقط


تشعر انها جديدة بما يكفي لاحتمال ..وخزات الحياة




21 comments:

farfasha said...

هيييييييييييييييه انا اول واحده تعلق
على فكره البوست زي العسل وبجد بيعكس احساس طفله بريئه لا تفقه شيء في العالم
بجد احساس طاهر اوى اوى
ياريت تشاركيني في فكرتى

إبـراهيم ... said...

يا صباااااح الــفل ، والياسمين ....

<<<<
تداعب السحابات التي تنظر اليها في دهشة طفوليه

تتقافز من فوقه وتشير الى المذهولين الارضيين

تحمل بين كفيها قلبها

وتشارك المطر هطوله

هنا فقط

تشعر انها جديدة بما يكفي لاحتمال ..وخزات الحياة

>>>>>>

أي جمااااااال ..بعد ذلك ؟؟؟

حقيقي حلو قوووووي


جمال جمال يعني :)

basma saghir said...

كنتي فين من زمان
في لون جديد عندك..لسة مشفتوش في مكان تاني
متبطليش تعبري عن نفسك ابدا

Salma El Banna said...

تشعر انها جديدة بما يكفي لاحتمال ..وخزات الحياة
انها الحياة عندما تتنسم بنسمات جديدة
نتحمل كل الامها
نراها كاجمل زهرة بدون اشواك

عين ضيقة said...

شوفى ياستى

أنا شايفة انك أسهبت فى الوصف الاول

بس ده لاينفى ان العمل جيد

والجملة الاخيرة عبقرية

تحياتى

محمد العدوي said...
This comment has been removed by the author.
محمد العدوي said...

يا لهوي على الصورة
المكتوبة يعني

اقري يا بنتي المعوذتين لأني اكيد حسدتك ..
.
.
.

هو لأن النص قصير بحس في تكرار نفس الكلمة ولو كانت بينهما مسافة أنه مش حلو على ودني ( تداعب ) هي التي تكررت ..

تعطي ظهرها .. تعبير حاسس انه عامي مش فصحى ..

حلوة فكرة السقوط دون خوف من التدنيس .. ذلك لأنها ميتة يا عزيزتي ..


جميل دوما ..

هدى said...

فرفشة

جميل انك تبقى أول واحدة تعلقي عندي

منوراني دايما

عايزة اشكرك على الرؤية الحلوة لاحساسي في البوست

كان آخر حاجة بفكر فيها هي البراءة ..يمكن اللي كنت محتاجة اكسرها

تحياتي

هدى said...

ابراهيم صباحك

حاجة حلوة

ابعدني عن الجمال ..اريد فقط نوع من التغيير

حتى لو لم يكن جميلا


تحياتي

هدى said...

بيسوو

انا هنا من فترة

انتي اللي مش بتيجي


سعيدة بمرورك من هنا

ويارب تفضلي حابة المدونة دايما


تحياتي

هدى said...

مرايات

كلماتك

اسعدتني

وكذلك مرورك

هدى said...

عين ضيقة

المهم الاخير

مش الاول

بيكون أجمل

الحياة علمتني كدا

تعالي تاني

تحياتي

هدى said...

دكتور محمد

صديقي الغائب

كنت مفتقداك هنا

ومفتقدة نظرتك الجديدةدايما لكتابتي

..........

احسدني براحتك انا يدوب باختار صور حلو

انت بقى بتصورها حلو

اعتقد ان تأثير حسدي اكبر بكتير

كل المودة

Ert3ashat said...

gamel kal3ada ya hoda.....
a7yeky begad...
walahy wa7shetny topicatek

nael eltoukhy said...

المذهولين الارضيين
جميلة هذه العبارة

لو لم تأت إلا بها يا شتي يا ابنة ياسمين لكفتك يوم العرض على رب العالمين

تحياتي البالغة


اخوكي نائل

محمد مصطفى said...

حلو التطهر أو التخلص من الحدود البشرية اللي في النص
من كتابات سابقة إضافة للنص ده أقدر أقولك إنك من الناس اللي سهل عليا قرايتهم من خلال نصوصهم
بعض التمرد يفيد دائما
تحيات بحجم إعجابي بالنص

دينا الحصِّي said...

هدى

عارفة إن يمكن مش مكان ولا وقت ولا منطق خالص إني أطلب ده

بس بجد

نفسي أقرالك على المدونة جديد

كل التحية
كل الاعتذار
وحاجات تانية كتير

دينا

Anonymous said...

بتعجبنى بجد صورك وتعليقاتك وافكارك عليها
قمة الشفافيه

على فكره انا
عامله تجمع بلوجرى جامد جدا بمناسبة نجاحى وتخرجى على خير
والتفاصيل على مدونتى الصغنونه..اللى من غير فذلكه

محمد العدوي said...

أين في المحفل مي يا صحاب
عودتنا هنا فصل الخطاب




:)

mahmoud said...

انا اول مره اعلق فى البلوج بتاعك
بس بجد جميل اوى
والبوست جميل ااااااااااااااااوى
تقبلى تحياتى ومرورى
محمود

Anonymous said...

حفلة ايامنا الحلوه يوم الجمعه 27 يوليو الساعه 8:30 فى ساقية الصاوى
اكبر تجمع بلوجرى
اوعوا يفوتكوا
Blogger Radio Station