Saturday, August 15, 2009

احتمالات



لكِن عارفاني حدّ ماهوش بيتأزّم
صحيح غَرْبَلْتُه بتألِّم
وبيعيِّط وبينهنه وبيصوّت ويتيتِّم
لكن يعرف ما بين حزنين
يفرّح حاله ويسلّ
م


...


يمكن أكون شوية ناشفة اليومين دول


يمكن حبة صريحة


يمكن جوايا مشوش


يمكن غاوية أتوه جوا حكايات سهل إني أفقل بيبانها وارتاح


يمكن ملفوفة بموجة غضب .. محتاجة اخرج من جواها


يمكن بعيدة حبة كتار عن إيمان يونس روحي


يمكن محتاجة أشوف حياتي بزاوية تانية مافيهاش كتير خيوط


يمكن محتاجة أبعد أو جايز محتاجة أقرب


أو يمكن أكون محتاجة ما اخدش قرار دلوقت


..


على هذه الأرض ما يستحق الحياة
تردد أبريل
رائحة الخبز في الفجر
آراء إمرأة في الرجال
كتابات اسخيليوس
أول الحب
عشب على حجر
أمهات تقفن على خيط ناي
وخوف الغزاة من الذكريات
على هذه الأرض ما يستحق الحياة
نهاية أيلول
سيدة تدخل الأربعين بكامل مشمشها
ساعة الشمس في السجن
غيم يقلد سربا من الكائنات
هتافات شعب لمن يصعدون إلى حتفهم باسمين
وخوف الطغاة من الأغنيات
على هذه الأرض ما يستحق الحياة



* الشاعرة المتميزة رانيا منصور

* الشاعر محمود درويش

6 comments:

Muhammad Afifi said...
This comment has been removed by the author.
رانيا منصور said...

يمكن..

جواكي مشوّش
بس الجايز أكتر
انك رصيتي "كل" الحاجات اللي عارفاها ف نفسك اليومين دول

وحشاني ع فكرة !

هدى said...

رانيا

الحياة حالة احتمالية ... بس جميلة على رأي واسيني الأعرج

وانا زي ما بتقولي بحاول أقول انا ايه اليومين دول

محتاجة أشوفني كويس .. عشان أشوف الطريق كويس

..

وانتي كمان خالص خالص

يسلم مرورك يا حلوة

إبـراهيم ... said...

حلو قووووي على فكرة

والاستشهادات برانيا ودرويش .. أحلى

فكرتيني بيَّا زمااااان :)


تسلمي

هدى said...

ابراهيم المدون المخضرم عندنا

يا نهار ابيض مرشوش سكر

وأنا أقول المدونة نورها زايد ليه

شرفتنا يافندم

إنت الأحلى

ومنك طول الوقت بنستفيد

مصطفى عبدربــه said...

دي فترة انتقالية تنذر بشيء ما
وكلنا بنحتاج فترة زي دي
من وقت للتاني
ربنا يوفقك للي فيه الخير دايما

وبالمناسبة كمان
عجبني أوي شعر رانيا
وطبعا اختيارك كان أكتر من رائع لدرويش
في القصيدة دي بالذات
سلام
رمضانك كريم يا هدى