Monday, January 21, 2008

صدااااع


ذلك الألم الذي يرافقني منذ أسابيع


أستيقظ صباحا ..استرق الحس إليه ..عله يكون قد غادر في أمان


لكنه ما أن يشعر بخطو وعيي حتى أجده يدق جدران رأسي بكلتا يديه


قاومت منذ يومين حبة المسكن التي تطل من حقيبة يدي كلما فتحتها


أنظر إليها ..وأردد بهدوء نابع من تلك الدوخة التي تصاحب ابتعادي عن شاشة الكمبيوتر


أنا أقوى


لكن تلك الكلمات ..المصوبة مباشرة إلى رأسي المجوف ..


والتي ما كانت لتحدث تاثيرها على ضغط دمي ..لولم يكن ذلك الصداع موجودا منذ البداية


وقفتي هناك مستندة على جدار المترو ..والفتاتين المرتديتان الانوثة من خزانة السبعينيات


بنصف ابتسامة مجاملة


"نمتي ولا إيه"


تغلق أمامي الخيارات


تعيدني إليها


الحبة التي بها الخلاص


ابتلعها كما اعتدت ..بلا ماء


وتلهيت عن ذلك الألم الآخذ في التنامي


بفكرة أن تلك الحبة بها السحر اللازم لإبطال مفعول التفكير


14 comments:

ملكة said...

ألف سلامة:)

رغم أنهم يقولون أن "الملاذ ليس آخر"بس ساعات الذات لوحدها مش بتخفي الصداع،بتحتاج آخر يساعدها

على فكرة كتاباتك بتلهمني كل مرة بشوفها :)
كل التحية ياهدهود

فريدة... said...

بفكرة أن تلك الحبة بها السحر اللازم لإبطال مفعول التفكير



معاك منها حبة زياده لى

اختك خنوقة تفكير من النوع البغيض الى مالوش حل الا الصراخ العالى الى مش هيعمل حاجة الا خنقى زياده

بسأل فينك يا هدى دلوقتى
؟

تحياتى

مصطفى السيد سمير said...

أوقات كتير بنحتاج نبطل تفكير
ونبطل جري
ونبطل أكل
ونبطل مذاكرة
ونبطل حزن

الحياة دي صدااااااااااااااااع
فعلا

Dr-Online said...

علي فكرة الصداع في معظم الاوقات بيكون وهم كبير
وبعدين غلط انك تاخدي الحباية من غير ماء علي الاقل لازم تشربي بعدها كوب
لانه بيساعد وبيسارع في نزول الحباية خلال المرئ
وبعد كدة بيدوبها اسرع شوية علشان المفعول يجي لك اسرع شوية


اتمني ان تتغلبي علي الصداع بدون حبوب ايقاف التفكير
ههههههههههه

مدونتك جميله جدا المح لها طابع خاص
اكيد مش غريب علي ذوق صاحبتها الجميل
استمتعت بوقتي فيها خلال زيارتي الاولي لها
واتمني ان اري لك ولو تعليقا واحد في مدونتي المتواضعة

الصيدلي المطحون

نهر الحب said...

من زمان عايزه ازورك

ازيك

عارفه اكتر حاجه فعلا بتتعبني هيه التفكير كل حاجه حوالينا لو فكرنا فيها حتضايقنا
هل من المفروض انننا نكون سلبييين ومنفكرش؟؟

هدى said...

ملكة

منورة ياصديقتي

اممممممم

لست متيقنة من فكرة اللآخر في إخفاء الصداع

ولكني متأكدة أن وجوده أخفى الكثير من الاشباح الأخرى

دمتي بخير يا جميلة

هدى said...

فريدة الفنانة

ياصديقتي تعلمت منذ زمن أن الصراخ هو مجرد حالة استفزازية تزيد من ألم رأسي لست هنا لأنصحك

فقط بحاول اطمن عليكي واطمنك عليا

دمتي ياصديقتي هادئة بلا اختناقات

هدى said...

مصطفى

هتصدقني لو قلتلك اني اصلا مبطلة حاجات كتير زعايزة ارجعلها

منها المذاكرة

احيانا الصداع بيكون نعمة

هدى said...

الصيدلي المطحون

في الاول متشكرة عالنصيحة هحاول انفذها
ثانيا متشكرة على ذوقك وعلى رأيك في المدونة

شهادة اعتز بيها يادكتور

ولا تحرمنا من زيارات تالية

تحياتي

هدى said...

نهر الحب

وانا كنت مستنية زيارتك

اعرفك عن طريق مدونة ابراهيم انا وانا

سؤالك يبدو منطقي ..خصوصا لواحدة زيي بتتخنق من التفكير

بس مافيش حد ما بيفكرش ..هو بيقوللي كدا

وبيقوللي اني بفكر طول الوقت اكتر من اي حد تاني

ولاني بصدقه بحاول اتاقلم مع الفكرة وانظر للجانب المملوء من الكاس

فكري ..واستمتعي ..بس تجنبي الصداع

تحياتي

qwert anime said...

ياريت اى حاجة نفكر فيها
نلونها و نحليها و نخليها
اجمل شئ فى الدنيا و مافيها
علشان نعيش و علشان نكمل
و نلاقى ناس تخاف على بعضيها
و نلاقى حب يضمنا فى وقت الحيرة
و نلاقى حلم نحلمة مع بعضينا
و ننسى الصداع و الحقد و الغيرة
و نخلق حياة حلوة جميلة
بس خلاص

محمد العدوي said...

انتباه


اجمع عندي بالخطوة السريعة

,.................

حاجات كتيرة اختزلتها الحياة الى حبات صغيرة ..


سلامتك . وكل عام انمت بخير

محمد العدوي said...

هي الأرض بطلت تلف هنا ولا ايه ...



:(

حمامة said...

الف سلامة عليكى :)

على فكرة ده اكيد من كتر التفكير
والحبة دى انتى بيتهيألك انها فيها السحر لأن انتى معتقدة ومؤمنة بده
حاولى متفكريش كتير :)