Friday, April 13, 2007

checolat

الشيكولاته
لن أتحدث عن خصوصية علاقتنا انا والشيكولاته
فلي معها حكايات

في الحب

والصداقة

والطفولة


والحزن



اليوم الشيكولاته في السينما




الفيلم الذي جعلني أعيد ثقتي في قدرة الشكيولاته على تغيير حياتي



"الشيكولاته تكشف الامنيات المخبؤة "



لن أتحدث عن قصة الفيلم التي تحمل فكرته بهاء خاصا



التدين المغشوش والتعصب



اللذان بمنحان طمأنينة هشة قبالة للكسر حتى لو بقطعة شيكولاته



الفيلم كما قطعة الشيكولاته يذوب في فمك ببطء



ويمنحك شعورا بالخدر اللذيذ


ليتنهي ولا يزال في فمك حلاوته


يحلقك بك الى هناك حيث الاحلام ممكنة

.

.



بطلة الفيلم الجميلة


جوليت بينوش





جعلت للفيلم مذاق اخر بادائها الهادي وابتسامتها الرقيقة



واحساسها الدافي كما كوب الشيكولاته الساخن







فيلم جاء في موعده


لي زمن لم أشاهد أفلاما جميلة


أفلاما تجعلك تعيد ترتيب اعتقاداتك


وتضيف لأحلامك بريقا أخر


22 comments:

Anonymous said...

فعلا الفيلم جميل جدا

شاهدته اكثر من مره ولم امل من تكراره


يناقش الزيف البشري باسلوب بسيط وهادئ دون خطب وصراخ

تحياتي

إبـراهيم ... said...

يا غيظااااااااني ، بوست حلو ، وطويل شوية ، بس أنا لسه معايا الشيكولاته من امبارح ، وعاوز أشوف الفيلم


.
.
.
عااوز الفيلم ملييش دهوة


تحياااااتي يا رقيقة :)

Anonymous said...

طب تصدقي يا هدى..حبيبتيني في الفيلم بجد..انا هحاول اشوفه ولو شفته هقلك رأي فيه..بس انا بثق في ذوقك..

Amyra said...

أنا مشفتش الفيلم لكن جوليت بينوش رائعة...أنوثة هادئة دون بهرجة.
*****
تعرفي جوليت بينوش بكت في برنامج فرنسي لما جابت سيرة الأطفال الفلسطنين

فكرة البوست و كتابتو جميلة يا هدى ...انتي في تقدم ما شاء الله

تــسنيـم said...

الفيلم أكثر من رائع وما تغلفه سطوره أروع يا هدى



اخيار مميز

محمد عز الدين said...

اعتذر عن تأجيل حفل التوقيع إلى يوم الثلاثاء 17/4 الساعة 6 مساءً بمتحف الفن الحديث بدار الأوبرا المصرية
وده بسبب زيارة السيدة سوزان مبارك لدار الأوبرا يوم الأحد وطبعا التأجيل
عمل قومى لمساندة حركة التطور التى تقودها حرم الريس

محمد صلاح العزب said...

إيه الشيكولاتة دي كلها يا هدى
دا سناني وجعتني
مع اني ماشفتش الفيلم
بس برافو عليكي

Lemonada said...

الفلم دى هههههايل جدا اختيارك جميل والي يحب الجميل اكيد هو كمان جميل مش بس من برة من جوة كمان

هدى said...

الجعفري

سعيدة بزيارتك لمدونتي

عندك حق الفيلم لا يمل خاصة انه منساب سواء في احداثه او في حواره

تحياتي ليك

هدى said...

ابراهيم

كويس اني بعرف أغيظك

كل الشكولاته وآمن بيها

وستجد نفس تأثير الفيلم

او ابحث عن الفيلم

فانا لا اجيد البحث

بعتك انا ها؟

هدى said...

ارتعاشات
منور ياجميل

هو دا المقصود من البوست انك تحب الفيلم

وتحب الشيكولاته

وتحب الدنيا دي كلها بما فيها انا ومدونتي

يعني البوست نفعي بالدرجة الاولى

هدى said...

ندى

جولييت بينوش

من الاسباب القوية اللي ختني اكتب البوست دا

عشان احط ابتسامتها الهادئة دي عندي

متشكرة جدا

ربنا ما يحرمني من زيارتك ياجميلة

هدى said...

تسنيم

منورة المدونة

ومتشكرين على كلامك الرقيق

تحياتي

هدى said...

عزو

ألف مبروك على الديوان

ان شاء الله هحاول أكون هناك يوم الثلاثاء وكما قلت

مسيرة التطور أهم طبعا

على اعتبار ان شعرك ..تأخر

هدى said...

محمد صلاح

دي أقل حاجة عندي

انا لو هتكلم عن الشيكولاته مش هبطل

انا بس خفت على اسنانك

لتاثر على مواهبك الابداعية

مشكرة بجد

هدى said...

ليمونادة منورة المدونة

سعيدة بجد انك هنا

وباعتبار اني جميلة كما قلتي ..فاللي بيدخل عندي كمان جميل ولا ايه؟؟

تحيااااااااتي

كراكيب نـهـى مـحمود said...

اقولك على سر
ده فيلمي المفضل

Shower-Mirror said...

الفيلم الرائع شوكولات ..طبعا من روائع الافلام الرومانسيه الغير تقليديه ...
و تم انتاجه سنة 2000

و المأخوز عن قصة جوان هاريس ... و اخرجه المخرج الرقيق لاسى هالستروم

الفيلم تم ترشيحه لخمسة جوائز اوسكار منهم طبعا احسن ممثله فى دور رئيسى لجولييت بينوش .... و تم ترشيحه ل 28 جائزه اخرى حصل منهم على 8 جوائز


ياسلاااام فكرتينى بالايام الحلوه

احب انا الناس اللى تتفاعل مع الافلام زى حالاتى كده ... مش تقعد تتفرج و هى بتاكل فشار او تقزقز لب ...

:)

ارجو ان يتسع و قتك و تيجى تزورينى فى مدوناتى ... و منهم و احده مخصوصه عن الافلام ...


تحياتى و ميرسى لاسلوبك الرقيق فى الكتابه

هدى said...

نهى

اقولك سر

كنت عارفة انك بتحبي الفيلم

لانه يشبه كتابتك

تحياتي

هدى said...

شاور

رائع المعلومات اللي اثريت بها الموضوع

انا فعلا بحب السيما جدا

وهكون سعيدة اني احجز مكان دائم في مدونتك بلكون

بس ابقى تعالى عندنا هتلاقي ما يسرك

تحياتي

3lool said...

انا شفت الفيلم ده يمكن 4 مرات وفكرته حقيقي جميله

اما عن الشيكولاته فانا مش عارف ليه دايما فيه علاقه حب بين البنات وبينها

معتقدش اني شفت بنت في حياتي كلها مش بتحب الشكولاته جدا


بوست لذيذ

تحياتي

هدى said...

3lool

جميل تعليقك

ووجودك هنا

صراحة انا اعرف ناس كتير مش بيحبوا الشيكولاته

ومع ذلك فثبت علميا ان الشيكولاته بتنشط افراز هرمونات تشعرك بالسعادة والمتعة

يمكن عشان كدا البنات بتحبها

عن نفسي ما سألتش انا ليه بحبها

بحبها وخلاص

تحياتي