Sunday, April 8, 2007

اول مرة اتاج

في البداية أحب اشكر الاخ اللي كله نظر ..ذو القلب الحنون اللي حاسس باوجاع المدونين الجدد ..ارتعاشات
لانه تفضل ومرر لي كل هذه التيجان ..يعني انا قلت يوم ما حد يعبرني هيعبرني بتاج
راح الله يكرمه ..ويكتر من التيجان اللي تتمررله ..مباسيلي اربعة حتة واحدة (وماتبسطهاش اكتر من كدا يارتعاشات )
نيجي للمهم ..
الاول
تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها؟
طبعا الكتابة ..هي هوايتي الاساسية وبحس وانا بعملها اني في دنيا تانية غير هنا
اللي بعده
هل مقدار سعادتك أو شعورك ايا كان- عند تمرير التاج لك- يختلف حسب المدون الذي يمرر لك التاج؟
هو بما ان دا اول تاج يتمررلي فانا سعيدة بيه جدا ..وبما ان التاج اللي جه وراه كان برضه من ارتعاشات فشعوري ما اتغيرش ..سعيدة برضه .. مش عارفة الموضوع كدا لازمله قطمة تانية قصدي تاج تاني عشان نشوف الفرق
هل ترى للتاج أهمية حقيقية؟
ايوة احيانا بيكون فيه اسئلة في التاجات بتخليني اقف قدمها وافكر كتير .زواحيانا امشي من المدونةوانا السؤال في دماغي
هل فكرت في عمل تاج خاص لك من قبل؟
لا صراحة ..الموضوع ما خطرليش ..يعني يمكن عشان لسه من حزب المدونون الجدد وما اعرفش مدونيين كتير
هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟
دا بيختلف على حسب المدون ..وبعدين على حسب الاسئلة يعني في مدونيين ببقى عايزة اقرا كل حاجة بيكتبوها
وفيه ناس تانية بعدي واللي يعجبني اقراه هنا بقى بشوف الردود على الاسئلة اللي تشدني
عندما ترد على التاج ما الذي تراعيه اكثر؟
على رأي ارتعاشة براعي ربنا ..براعي ضميري ..براعي الاجابات تكون قصيرة عشان الملولين اللي زي حالاتي ما يتخنقوش
هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم
هاحرص حاضر ..وهيغير اكيد
هل تلتزم حرفيا باسئلة التاج؟
اه ..من مرر له تاج فيمرره كما هو ..حكمة بلوجرية قديمة
ما هي نوعية التاجات التي تفضلها؟
كله ..اهو تاج ابيض ينفع في اليوم الاسود لما ما تلاقيش بوستات تكتبها
اللي بعده
هل كنت طالب شاطر فى المدرسة ؟
ايوة كنت بين العشرة الاوائل مش الاولى بس منهم
إيه أكتر مادة حبيتها في المدرسة والكلية؟
امممممممممممم
في المدرسة كانت العربي ..وفي الجامعة ..كانت الفلسفة والسياسة
إيه أكتر مادة كرهتها في المدرسة والكلية؟
الاحصااااااااااااااااااااااااااااااااااء ..في المدرسة والكلية ..ودرجاتي فيها نيلة في الاتنين ..سبحان اللي عداني فيها
كنت عايز تطلع إيه وأنت صغنن؟
باليرينا ..جدا ..بس كنت عايزة أطلع برضه كاتبة ..كنت حاسة ان الاتنين مش هيتعارضوا
بس كدا
هو فيه تاج تاني ..بس المرة الجاية وعليكم بخير

3 comments:

Anonymous said...

اجاباتك حلوه يا هدى....
بجد زي العسل..
و ماشاء اللة :):) العشره الاوائل مره واحده؟...
:):):):)

و يا سيتي ربنا يبسطك كمان ز كمان

Unknown said...

هدى اجاباتك كلها جميلة اوى اوى

ماشاء الله عليكى ربنا يوفقك كمان وكمان

وانا كمان شم لاقى كلام اشكر بيه الجميل اوى ارتعاشات ربنا يكرمه

ويكرمك يا هدى ونشوفك حاجه كبيرة اوى زى الشمس كده :)

اخوكى

احلام ضايعه

إبـراهيم ... said...

هدى ماشااااء الله ، تعلقيات الناس عندك شبه بعضها قووي :)


إبقي فكريني أكتب عن فلسفـة التاج دي .... ف دماغي من زماااااااان



تحياااااااااتي برضك