Saturday, April 28, 2007



كتير أفكار في دماغي عايزة اكتب عنها

بس

مش عايزة اكتب

عايزة

أرسم

أو يمكن

ألون

أو

حتى

أطير


عايزة أعبر بطريقة تانية عن احساس جوايا مالوش مرادف في الكلمات


.

.


اسكت

مش يبقى أحسن؟

.

.

تقريبا أحسن

23 comments:

قصاقيص said...

أجمال الكتابات هي اللتي لانضع لها عناوين
واجمل الحاسيس هي التي لم نختر لها مسميات
::::::::::::::
فالأحاسيس الصادقة كالطيور.........جنسيتها هي الطيران ووطنها السماء
::::::::
حلقي مع إحساسك الرائع
::::::::::::::
بس بقي _رخامه_انا مش عاوزاكي تسكتي........عاوزكي تفضفضي علشان اعرف
ههههههههههه
تحياتي

قصاقيص said...

هييييييييييييييه
::::::::
أخيرا انا اول تعليق

إبـراهيم ... said...

فعلاً يا هدى !! ...


مش عارف الواحـد لو عاوز يرسم بالكيبورد يرسم إزاي !!؟؟
.
.
هيا بالضبط دي ( ..... . . . . . ) اللي بتقووول .... و كويس إنها قالت

MoHaMeD HoSSaM said...

اجمل الكلمات هو ما لا يستطيع الانسان قوله

احييكى

محمد حسام

Unknown said...

اللى مش بيشوف فى الظلمة ، اعمى البصيرة
واللى مش بيسمع الصمت أصم القلب

دكتور مستكنيص said...

أكيد مش أحسن علي الاقل بالنسبة لي لاني عن نفسي حابب اشوق ابداعاتك وشغلك الجميل اللي في البوستات اللي فاتوا لكن بشكل عام عندك حق فعلا الصمت بيبقي افضل أحيانا من الكلام لكن سيبك انتي انا اللي علم معاايا من البوست بتاعك فكرة واحدة بتمني انها تنتشر وهيا فكرة ان البلوج ده لمشاعرنا ولانفعالاتنا ونكتب فيه اللي احنا عاوزين نقوله ايا كان حتي لو كان اللي عاوزينه ده اننها نقول اننا مش عاوزين نقول حاجة
تحياتي ياهدي

هدى said...

قصاقيص
أحلى حاجة انك تثير فضول الناس
هاخد بنصيحتك
وساحلق في السما
ومش هقولك
مجرد عند لا أكثر ..ومحاولة لان استفيد من قدرتي الجديدة على الصمت وعدم الثرثرة في كل ما اشعر به

نورتي المدونة باول تعليق ياجميلة
تحياتي

Lemonada said...

التحفة اسمها تحفة لانها شكل او اي حاجة مش بنعبر بيها بالكلمات
وانت تحفة والي كتباه حتى لو مش كلام بس تحفة

حرا طليقا said...

الفاضلة ياسمين

من المتداول قوله "العجز عن التعبير هو أصدق تعبير

كثيرا ما تأثيني هذه الحالة

أنت استطعت تكتبي ولو أنك كتبت أنك لا تستطيعين

أما أنا فأجعلها نقطة في فضاء نقي

شكر على طيبة قلبك وقد استمتعت

لك مني
.

Anonymous said...

فيه أحاسيس كتير قوى الواحد مابيبقاش يعبر عنها ازاى
الكلمات مش كفايه عليها
الألوان ما بتعبرش عنها
الالحان مابتوفيهاش حقها
احساس متفرد ماتوصلناش لسه لطريقه اخراجه للنور
بس تفتكرى السكوت هو الحل؟؟
أقولك على طريقه مضمونه؟
كفايه تسيبى العين تتولى المهمه دى
تحياتى

هدى said...

ابراهيم

كنت مرة نزلت بوست بالخط الابيض

وفكرت ساعتها انك منزل الصفحة بيضا وكان عاجبني قوي الفكرة دي

جمال الرسم انك تحس بالحتكاك القلم الرصاص بالورقة البيضة

والتلوين ببشعرك كاناك تكشط جروحا وترمم اخرى

كل دا عاجز عن تحقيقه الكمبيوتر ..رغم توفيره لامكانية الرسم

تحياتي

هدى said...

تحياتي ليك انت ياحسام

نورت البلوج بجد

وزي ما قلت فيه شوية حاجات جوانا مالهاش مرادف

سعيدة بالتعرف عليك

هدى said...

محمد بدري

عجبني جدا تعبير اصم القلب

بس للاسف الناس معظمها كدا اليومين دول

دا كمان في احوال كتيرة مش بتسمع الكلام ولو حتى كان صويت

جميل ان اتعرف الى شخص لقلبه اذنان كبيرتان تلتقطان دبيب الصمت

تحياتي

هدى said...

دكتور مستكنيس

في البداية احب اقولك ان الاسم لذيذ

وبعدين انا من مؤيدي الفكرة رغم ان ليها اضرار سلبية ممكن ابقى اتكلم عنها في بوست لوحده

عن نفسي بحب المساحة دي عشان بكتب فيها براحتي وما بحبش اقتراحات الاخرين بتغيير الموضوعات اللي بكتبها

لاني في الحاجة اللي بحبها .بحب اكون مرتاحة واعمل اللي نفسي فيه

ادني اهو رغيت شوية تعويضا عن البوست

تحياتي ليك يادكتور

هدى said...

ليموناده

يعني انا مش عارفة اقولك ايه

بجد انتي زي العسل

وانت اللي تحفة هاه

بيسعدني مرورك فوق الوصف

تحياتي ياجميلة

هدى said...

حرا طليقا

نقطة في فضاء نقي

بتلاقيه فين

اوصفلي المكان دا يمكن بجد اعرف اعبر بطريقة افضل



بس فيه حاجة صغيرة المدونة هي اللي فيها ياسمين ..أما انا فاسمي هدى

شاكرة جدا مرورك

هدى said...

وينكي

اهلا بيك هنا

اه منها طريقتك

طيب نعمل ايه اذا كان اللي عليه العين ..بعيييييييييييييييد

نعبر بايه بقى؟؟

ارجوك فكري في طريقة عبر البحار

تحياتي ياقمر

محمد العدوي said...

ههههههههههه

وتسكتي ليه

غنّي .


كل الود

vetrinary said...

لما بنرسم بنطلع ربع احساسنا
ولما بنكتب بنطلع نص احساسنا
واما بنسكت بيطلع احساسنا كله

بس اكيد مينفعش اننا نسكت على طول
لازم نتكلم عشان نخبى الحجات اللى مش هينفع نقولها
ويبقى عندنا اسرارنا الخاصه اوى

هدى said...

شريف

بجد

انت جميل

عجبني لقب صديقتي ..

وعجبني احساسك بالكلام

كل التحية

هدى said...

محمد العدوي


الغنا سر الوجود

وليس سر الفرح

على العموم اقتراح مش بطال

خصوصا ان صوتي عبقري

ويدخل القلب

ولا ايه؟

هدى said...

vetrinary

عجبني جدا تعليقك

وعجبتني فكرة ان الكلام هو اللي بيعمل الاسرار الخاصة

اقولك سر مش خاص قوي

مدونتي دا احد اسباب وجودها ..ذلك الكلام الذي يضمن لي اسراري

تحياتي ليك

•«ρяoιd»•™ said...

مبدئياً كده

انا اتعميت من حجم الفونت

ابقي كبريه شويه ربنا يخليكي

في ناس هنا بنضارات و الله

اما بقي بجد

من ضمن الوسائل بل و اقوي وسيله في إنك تعبّري بيها عن نفسك هي إنك تكتبي احساسك و اللي بتفكري فيه

فمتسكتيش

ومش تتلزمي الصمت

اتكلمي

قولي كل اللي في نفسك

تحياتي