كل سنة والعاملين/ العمال / الإيد الشغالة طيبة
انهاردة حاسة بمفارقة عيد العمال
يمكن عشان احنا عايشين قوي سيناريو العمل والقوى العاملة ومكتب العمل والوزيرة وراس المال والحق اللي سكته بدأت تضبب
أو جايز بدأت تبان بس احنا اللي مش واخدين بالنا وبنحاول نغمي عنينا عشان ما يتسربش القلق لأرواحنا لما تعرف
لأن الخبرة بتقول ان المعرفة شنيور بيكسر في كل الأصنام المتكدسة جوانا بنحاول نلف حواليها نديها من طاقتنا جايز تدينا يوم بعض أمان
...
عايزة أقول اني متحمسة كتير لفكرة 30 يوم تدوين
واتمنى حماسي يغطي الشهر
يمكن لسببين
إني اكتشفت ان الدنيا حلوة لأن فيها ناس متحمسة
ولأني حابة أكتب كل يوم يمكن أنفض عن ايدي الكلس اللي بدأ ينشف من كتر قعدتها من غير شغل
...
نهاركم .....منور
جميل جميل جميل .. بالتوفيق إن شاء الله فى سباق الثلاثين يوم
ReplyDelete:D
والحمد لله انك مقبله على الحياه كده أحنا هنشوف تدوينات لذيذه إن شاء الله
:D
اسم المدونة جميل أوي
ReplyDeleteمنتظرة الـ29 بوست اللي فاضلين بقى
:D
اولا المدونة جميلة جدا
ReplyDeleteثانيا الصدفة وحدها هى خلتنى اشوف المدونة
ملحوظة صدفة جميلة
ثالثا انا هتابع كل يوم المدونة وربنا يوفقك فى بوستات جميلة
شكرا جدا
فرحانة بتلاتين يوم من القرب من الناس الحلوين
ReplyDeleteربنا ينورلك دنينك و يشغل ايدك باللي تحبيه و يحبه
:))
:) سعيدة بمتابعة ما يكتب هنا ^^
ReplyDeleteمتحمسة جدا و مبسوطة و حاسة بالونس ... فكرة إننا هنبقى مع بعض كل يوم كدة مفرحاني جدا ...
ReplyDeleteمتهيألي على آخر الشهر هنبقى عيلة صغنونة مليانة حواديت
نهارك ملون
متابعه معاكي ال 30 يوم ان شاء الله
ReplyDeleteويارب انا كمان اقدر اكملهم 30 ونفسي مايتقطعش فالنص :))