Tuesday, May 4, 2010

عيد ميلاد أم كلثوم


بفضل جوجل

لأول مرة أعرف إن نهاردة اللي هو 4 مايو

يوافق عيد ميلاد سيدة الغناء العربي أم كلثوم

طبعا لأن الإعلام المصري بيكون مشغول باحتفالات أخرى

عشان نفسية السيد الرئيس اللي بيصحى طول السنة من الساعة خمسة يراعي شئون البلاد لازم نرفه عنه في يوم ميلاده

ونغنيله ونرقصله ونسقفله ونناغشه

وننسى إننا نفتكر الست اللي جايز ناس مننا مش بتحب صوتها أو مش بتتفاعل معاها على مستوى عالي

لكن ماحدش يقدر ينكر إنها علامة بارزة في تاريخ المويسقى

..

إنهاردة واحتفاء بجوجل اللي بيقول ضمنا

إن الست هي اللي هتبقى مهما حاولنا ننساها أو نتنساها

واحتفالا بميلاد ست الغنى

وصاحبة الصوت القادر على خلق مساحة من البراح في الصدور

أحب أقول

كل سنة وإنتي مالية الدنيا غنى

يا ستنا


علنا نحتفل بعيد ميلادك كما تستحقين ونهوى
at

4 comments:

  1. RamyMay 4, 2010 at 5:18 AM

    وانت طيبة

    انت عارفة انا بحب ام كلثوم

    بس ليا صديق عزيز جدا على قلبى

    حببنى فيها اكتر

    عارفة خلانى لما اسمعها اشفها كمان

    لما تجلها حفلة على روتانا زمان

    كان يقولى بوص

    على ام كلثوم وهى بتوصلك مشاعرها

    مش بس بصوتها لأ دة بتمثلها للموقف

    حقيقى عظيمة

    نشكر جوجل اولا
    هههههه

    ونشكرك انت كمان علشان البوست الجميل دة

    شكرا

    ReplyDelete
  2. عصر الجنونMay 4, 2010 at 5:20 AM

    انا كمان مكنتش واخده بالى

    علنا نحتفل بعيد ميلادك كما تستحقين ونهوى

    عندك حق :)

    ReplyDelete
  3. RanaMay 4, 2010 at 1:21 PM

    جاي على بالي أقول..
    إني من بلد أم كلثوم نفسها :)

    ReplyDelete
  4. AnonymousMay 4, 2010 at 2:29 PM

    يقينا أن السيدة أم كلثوم تشكل معلما موسيقيا لا في العالم العربي لوحده بل في الموسيقى العالمية ، ويقينا اننا في حالة "سيئة " جدا اذا بدأنا ننسى ما يجب علينا تذكره لصالح مناسبات أخرى.
    واليقين الثالث :) علينا أن نشكر الجوجل !
    وبس

    ReplyDelete