واحدة صاحبتي كانت بتحب تلم ورق الشجر من الأرض
كانت بتقول انها شبه ورقة الشجر
لدرجة انها كتبت مقال بتقول فيه أنا ورقة شجر
غالبا مدونتها اللي مش عارفة اللينك بتاعها اسمها برضه ورقة شجر
*****
واحدة تانية كانت نفسها تفتكر اسم نوع ألوان عشان عايزة ترسم
بتحب تشتري أدوات مكتبية
من محل كبير ومشهور مش هقول اسمه عشان ما يبقاش اعلان
تقريبا لسه ما علمتش دا
*******
جبت له ورد مزروع في قصرية من شهرين تقريبا
مرة قاللي انه بدأ يدبل
خايفة اسأله من ساعتها ليقوللي انه مات
بخاف أعرف
هو قاللي كدا مرة
*****
واحد- أكيد غير اللي فوق -
علمني اشرب قهوة
و .....بس
*دي صور طلعت من بحث عشوائي
غالبا ...أنا كمان أخاف أعرف
ReplyDeleteشوووووووووت
بحث عشوائي ؟؟؟ فعلاً ؟؟؟
ReplyDelete,,,,, وفين على جوجل ،،، ؟؟؟ ولا جوه ؟؟
.............
طيب، نرغي بقى :
إحساسي ببحث عشوائي عن"إنسان"،ماشي، الأول، بندور حوالينا ، لأ قصدي الأول بندور ع الغايبين، اللي كانوا ، اللي حاجات بسيييطة قوي ممكن تفكرنا بيهم جدًا، ونكتشف فجأة إننا بقينا بعاد، لما نفتكر البعيدين، تلقائيًا دماغنا بتقول هوووب، ده فيه قريبين، طب بنتصرف معاهم إزاي، ده احنا ...خايفين !! في عز فرحتنا دايمًا نلاقي الخـوف ....
*********
حلوة العشوائية، دي اللي بيقولوا عليها فوضى خلاقة
بصراحة الصور الكواليتي بتاعتها عاليه جدا
ReplyDeleteصور جميله وتعليق اجمل
تقبلي مني وافر التقدير والاحترام
كل سنه وانتى طيبه يا بنوته
ReplyDeleteحلوه قوى الصور دى
وتعليقاتك عليها اجمل
أو الصور هى اللى مناسبه لجو الكلام
ايهما اقرب
رجعت تاني أحلى م الأول وكل الورد اللي فيها فتح
ReplyDeleteوانا كمان بخاف اعرف
ReplyDeleteحتى لما بكون طالبة من حد طلب
او عايزاه يجي معايا ف مكان
بستناه يقولى هو ولو مقالش مبسألش
لأنى بخاف يقول لأ
جميل :)
الله
ReplyDeleteخوفنا نعرف بيحوشنا ساعات عن الفرحة اللي ممكن نحسها لما نعرف
احلى مفجأة انك لما تخاف تعرف وتتخيل السيء تتفاجيء انه ما حصلش وان الموت اللي اتخيلته اتحول لحياة
الله تاني
فرحتوني
ربنا يهنيكم ويكتبلكم الخير