Sunday, June 3, 2007

يوم


تصحى الصبح


تلاقي اليوم معاندك رغم استسلامك




انت مستسلم عالاخر لدرجة مستفزة




ومع ذلك الحياة مش مهوداك




مش بتمثل معاك دور الهادية رغم انك هادي




طيب تعمل ايه




ولا حاجة




تستمر




تقطع الوقت بانتظار الوقت على رأي رحاب ضاهر




وتنتظر الشمس في الغد




علها تحمل قليل من الطاقة ..وقليل من الجنون


at

16 comments:

  1. كراكيب نـهـى مـحمودJune 3, 2007 at 1:08 PM

    جميل اوي

    ReplyDelete
  2. هدىJune 3, 2007 at 11:22 PM

    ياصديقتي

    الحياة تستحق كل هذا العناء

    وانا اليوم قررت ان احتمله ..لانها

    ولانني ..

    ولاننا

    .
    .
    .

    ReplyDelete
  3. احمد عطاللهJune 4, 2007 at 6:56 AM

    انا عارف مشاكلك كويس
    اعدهالك




    بلاش لحد يفهمنى غلط

    ReplyDelete
  4. الكلام نوعان :كلام فارغ وكلام مليان كلام فارغJune 5, 2007 at 3:23 AM

    الدنيا مثل المرآه تضحك تكشر لها تكشر لك تضحك لها تضحك عليك
    انتى عندك حق دايما الدنيا دي بتمشي بالعكس او ماشيه بضهرها زي ما بيقولوا بس احنا هانعمل ايه لازم نستسلم لها ونطاطى للموجه زي ما بيقولوا عشان الحياه تمشي لاننا لو عاندناها مش هانعرف نعيش
    فكره حلوه اوى
    وعجبانى
    تحياتى

    ReplyDelete
  5. دينا الحصِّيJune 5, 2007 at 8:16 AM

    بسم الله

    الجميل إن كتير مننا بيمارس اللي حكيتي عنه ..... لكن من غير ما ياخد باله إنه بيعمله
    بيمارسه ... ولا أقول بنمارسه .. بمنتهى البساظة والتلقائية اللي اتكلمتي بيها يا هدى

    **
    مش عارفة لحد دلوقتي أي التصرفين أفضل

    أحيانا بكون مش شايفة غير - فعلا -انتظار الشمس اللي جاية ...يمكن ...تكون مختفة

    و أحيانا بيكون ما فيش عندي حل غير اختلاااق الجنون .... و الا اموت

    في كل مرة بيكون الحل اللي بختاره مافيش شيء غيره ممكن

    وده الغريب

    بس

    أتمنى ما يبانش كلامي فزلكة فارغة ..... هي محاولة للـ(قول) ببساطة

    أحييكي على الموضع

    تحياتي أيتها العزيزة
    دينا

    ReplyDelete
  6. هدىJune 5, 2007 at 3:56 PM

    عطاالله

    حمد الله عالسلامة ياعم الشاعر

    .
    .
    .
    بتبهرني طول الوقت بمعرفتك العميقة للحالة اللي بعيشها

    ربنا ما يحرمني من عبقريتك

    ReplyDelete
  7. هدىJune 5, 2007 at 3:57 PM

    مش فكرة مشكلة

    هي بس الحالة اللي بتكون فيها فجأة بدون اسباب

    وبعدين لو بحب

    اكيد مش هصحى الصبح مزاجي متعكر

    اعتقد ان الموضوع هيبقى حاجة احلى من كدا

    والا فبلاش منه

    تحياتي

    ReplyDelete
  8. هدىJune 5, 2007 at 3:59 PM

    الكلام نوعان

    منورة علطول ياجميلة

    فعلا هي الدنيا بتحب تعاكسنا

    بيني وبينك اكتشفت السر في عمايلها دي

    عايزة تختبر قوتنا

    وقدرتنا على الاستمرار

    الايام اللي فاتت علمتني كتير

    بس ادعيلي ما انساش اللي اتعلمته كالعادة

    تحياتي

    ReplyDelete
  9. هدىJune 5, 2007 at 4:02 PM

    العزيزة جدا دينا

    نورتي ياقمر

    لان دا الي بيعمله القمر

    جملة حقيقية

    بعيدا عن التهييس

    الحياة ما لهاش حل تالت ياتنعاش يتنعاش

    هي ايه الحياة ..حبة أمل حبة جنون

    مش كدا ؟

    ReplyDelete
  10. محمد العدويJune 6, 2007 at 2:37 AM

    عادي .. بتحصل . حتى الواحد ممكن ياخد قرار يعاند اليوم دا بنفس الطريقة وتلاقيه مصر يمشي في السكك اللي هتعقد اليوم . يعني هقرفك لو مبطلتش غلاسة ..


    يعني لو عاندناها احنا كمان هيجرى ايه . وعلى رأي كتكوت . اموت ولا انقتل . ايهما افصح .

    ReplyDelete
  11. محمد مصطفىJune 6, 2007 at 5:38 AM

    و ماذا لو لم تحمل لنا شيئا مما ننتظر ؟

    ReplyDelete
  12. vetrinaryJune 6, 2007 at 9:02 AM

    مش عارف
    دايما بيحصل معايا العكس
    عمرى ما كنت هادى
    وعمر الدنيا ما كانت بتمثل دور الهدوء
    احنا الاتنين بنتصارع
    يمكن اللحظه الوحيده اللى انا بستسلم فيها للدنيا
    لما النومن يكبس عليا
    واللحظه ىالوحيده اللى بحس انها استسلمت ليا
    لما المطر بيمطر
    يمكن عشان كده بحب المطر

    ReplyDelete
  13. هدىJune 6, 2007 at 9:59 AM

    اتقتل يادكتور

    على الاقل هبقى عملت اللي عليا

    ومش هندم

    "عمري ما ندمت على حاجة عملتها ..بندم بس عالللي ما عملتوش"

    صفية من رواية استقالة ملك الموت لصفاء النجار

    ReplyDelete
  14. هدىJune 6, 2007 at 9:59 AM

    مادو

    لو لم تفعل سنحاول فلسفة ما اتى ليناسب انتظارنا لما لم يات

    الفلسفة هي الحل ياصديقي

    ReplyDelete
  15. هدىJune 6, 2007 at 10:01 AM

    vetrinary

    عجبتني قوي فكرة ان المطر هو علامة استسلام الحياة لنا

    قوي

    يمكن عشان بحب المطر

    وبحس فيه باستسلامي انا

    تحياتي

    ReplyDelete
  16. askarJune 11, 2007 at 5:50 PM

    عندك حق يا هدى

    دايما مهاود

    دايما مستسلم

    ودايما هادي

    وهي برضه طول عمرها

    معاندة

    ومستفزة

    احسن حاجة نعملها مع الدنيا أنك تفوت

    وتسايسها

    بدل ما تعاندها او تستلم ليها

    لاعبها وشوفها هاتوديك على فين

    وبرضه في الآخر هاتنتظر

    عشان تعرف النتيجة ايه .

    ReplyDelete