
هو يمكن عشان انا بطبيعتي رغاية فمش حاسة بصعوبة اللي انا بعمله
صعوبة انك تفتح بقك وتبدأ في الرغي عن كل شيء
الاحداث
الاحساس
ردود الفعل
رؤيتك
نظرياتك
تخيلاتك
حتى احقادك
وقت الالم
تلاقي لسانك كانه شلال واكسر كل الصخور قدامه
وقع من فوق بكل عزمه
وزاح عن قلبك ثقل وطاته
دا بالنسبالي سهل
ممكن يكون صعب عند الناس اللي بتسمعني طول الوقت
بس بالنسبالي
السكوت هو الزنزانه اللي بيتسجن فيها احساسي
السور العالي اللي بيحاوط روحي
وبيخنقني
...
عشان كدا ببقى حابة احس كل الي حواليا انهار بتجري
وبحس بالعجز
وانا شايفة سدود بتتبني بين وبين اقرب الناس ليا
مانعة الكلام
من انه يوصلي
بقف زي تلميذ خيبان
في امتحان شفوي
بيحاول يفتكر اسم المادة حتى ومش قادر
..
اتكلمــــــــــــــــــــــوا
اتكلموا .. اتكلموا .. اتكلموا ...
محلا الكلام ، ما ألزمه و ما أًعظمه ...
فى البدء كانت كلمة الرب الاله ، خلقت حياه ، و الخلق منها اتعلموا ..
.فاتكلموا
فى البدء كانت كلمة الرب الاله روح بجناحين شطار ،
و صار للكون مداه .
آخر مطافها ،
جت و حطت ع الشفاه ،
لما البشر ملكوا الوجود ،
و استحكموا ...
فاتكلموا
الكلمة ايد ،
الكلمة رجل ،
الكلمة بــاب ،
الكلمة نجمه كهربيه فى الضباب
الكلمة كوبرى صلب فوق بحر العباب ،
الجن يا أًحباب من ما يقدر يهدمه ...
فاتكلموا
الرمل مرمى تحت قبة السما ،
مشتاق لقطره من المطر فيها النما ،
ملايين سنين عمره ما داقها ،
انما فيه كلمة تقدر فى المراوى تِعَوَّمه ..فاتكلموا
فيه كلمة تقدر تزرع البور حور ضليل ،
و كلمة تقدر تجعل الكوخ بيت جميل ،
و ابو العيال و الجلابية الهلاهيل ،
فيه كلمه تعطيه مال ،
و كلمة تِهندمه ..فاتكلموا
لكم السلام ، يا ملفوفين حول اللهب ،
يا غواصين فى القلب ع الكلنه العجب ،
فى البدء كانت كلمة الرحمن سبب
و ما عادش غير الحق كلمة تِتَمَّه
فاتكلموا
صلاح جاهين
عادي قوي ..
ReplyDeleteممكن يكون الموضوع تحقيقا لبيت أم كلثوم الشهير
لما اشوفك يروح مني الكلام وانساه .. من فرحة القلب ساعة ما يلاقيك وياه ..
نعمل ايه بقى اذا كان في ناس تغلب فرحة لقاءهم خزانة الآلام ..
هذا وأسعد الله صباحك
وحيث أني مستعجل لأني نازل متأخر فإلى لقاء ..
اممممممممممممم
ReplyDeleteمين اللي قال انك رغاية يا هدى
لأ طبعا حاشا و ماشا
مستحيييييييييييييل
لا يمكن ابدا
بس لو مصرة ماشي
المهم
أكيد الكلام مهم جدا
بأحسه زي المية النازلة على جسمي و أنا باخد دش احساس لذيذ بالتطهر و النقاء و الانتعاش
بوست جيد كالعادة
فاتكلموا
ReplyDeleteفيه كلمة تقدر تزرع البور حور ضليل ،
و كلمة تقدر تجعل الكوخ بيت جميل ،
و ابو العيال و الجلابية الهلاهيل ،
فيه كلمه تعطيه مال ،
و كلمة تِهندمه ..فاتكلموا
لكم السلام ، يا ملفوفين حول اللهب ،
يا غواصين فى القلب ع الكلنه العجب ،
فى البدء كانت كلمة الرحمن سبب
و ما عادش غير الحق كلمة تِتَمَّه
فاتكلموا
>
>
حلو ... قوووي
شكرًا .
.
و ...
هـدى
السكوت هو الزنزانه اللي بيتسجن فيها احساسي
ReplyDeleteالسور العالي اللي بيحاوط روحي
وبيخنقني
تعرفي انا كنت عايشه كده لحد ما اتخنقت فعلا بعدين خلاااااااص مس هاكتم الكلام جوايا تاني ابدا
فعلا بيبقي احساس مرير
بليز خلي حد تاني يقول الكلمتين دول
ReplyDeleteدا أنا بقالي كتيييييييييير بدخل المدونة ومافيش بوستات جديدة
على العموم حمدالله بسه
وعقبال الجاي
هدى ياريت تكلمينى ضرورى
ReplyDeleteمحمد العدوي
ReplyDeleteبتثبتني ها ؟
ماشي ياسيدي
هعمل نفسي مصدقة كلامك
بس حاول تخلي فرحة اللقاء تاخد وقتها وتعدي
ما تطولش لاخر العمر
ها
سعدت بيك كما انا دائما
مادو
ReplyDeleteبتتريق طبعا
على فكرة ولا بتفرق معايا
لعلمك انا بقول كدا عشان اخزي العين
لكن انا مش رغاية
انا مش محتاجة ارغي
ها؟
ومع هذا حلو قوي تشبيهك
عجبني
تصدق تنفع تبقى شاعر
ابراهيم
ReplyDeleteصلاح جاهين
نعمل ايه
عبقري بالفطرة
وعبقريته صبغت على كل الفكرة بهاء من نوع خاص
واخد بالك من بهاء دي
اميرة
ReplyDeleteسعيدة بجد بقرارك دا
ممكن تقوللي اني بعيشه ببكارته تاني معاكي
يمكن احيان كتيرة بتشتاقي للسجن دا
بطر عالنعمة تقوللي ايه
ويبقى الصمت الملاذ الاخير
بس سيبك منه دا بيبقى بعدييييييييييييين بعد عشرة كام سنة مع الكلام وبيبقاله وقته
اممممممم
سعيدة بيكي وليكي
باسم المليجي
ReplyDeleteمنور يا باشا
انا بس عايزة البشر تستوعب الدر ر اللي بقولها ف كل بوست
تاخد وقتها يعني في التمحيص والتدقيق
ولا انت ليك رأي تاني
بصراحة
ReplyDeleteاه
بس البوست عجبني فعلا
خطك حلو ع الكيبورد
حلو أوى
ReplyDeleteحلو بجد
الله عليه جاهين
ReplyDeleteعلى فكرة
خليكى زى ماانت
سلام
امال هما عماوا المدونات لية
ReplyDeleteهدى
ReplyDeleteمش متخيلاكي رغاااااية مش عارفة ليه؟
بس بما انك بتقولي انك بتحب الكلام فخليكي كدة
وحشتيييييييييني
:))))
قسما عظما
ReplyDeleteأول زياره ومش حتكون الأخيره
keep up the great work
hamdool/ Kuwait
فيـنــــك ؟؟؟؟
ReplyDeletehoras
ReplyDeleteانت الاحلى
اهلا بيك
عين ضيقة
ReplyDeleteمنورة ياقمر
عنيا حاضر
رغم اني مؤمنة بقدرية التغيير وحتميته
بس هحاول ابعد الرغي عن مجاله
تحياتي
fawest
ReplyDeleteعملوها عشان الرغايين اللي زيي
يصدعوا الناس بكلام كتير
على العموم انا تقريبا بنزل كل كتير بوست
وبفرط في حقي في المدونة
وما تسالنيش ليه
سعيدة بيك هنا
ندى
ReplyDeleteكنت تقريبا لامحة الصورة اللي انتي رسمهالي
مش هقولك انها مش حقيقية
بس فيه هديااااات تانيين لسه ما شفتهومش
..
خليكي قريبة دايما
بتوحشيني
hamdoool
ReplyDeleteياريت فعلا ما تكونش اخر مرة
نورت
وهتنور كل مرة
تحياتي